جلسة نفسية ودية بدردش فيها معاك بدون سكربت عن الحياة. تأملات مش غرضها أضيف لك مواعظ عن التحفيز وتطوير الذات. بوثّق طريقة كلامي لنفسي مع نفسي، وعندي يقين إن قعدتنا سوا هتفرق معاك. بفكر نفسي بالحلو اللي في الحياة وأنت معايا، بسمع نفسي التجارب اللي مريت بيها وإزاي طريقة كلامي مع نفسي خلتني أفضل نفسيا ومحقق سعادة وسلام عايزك تشاركني فيه، ونوزعه على كل اللي حوالينا. بسجلك الحلقات دايماََ في اللحظة اللي بتورد فيها الخاطرة عندي لحظياََ، بدون تنقيح للألفاظ عشان أنقل لك التجربة الشعورية كما هي. وبتمنى تكون أنت كمان فاتح شهية للحياة.
كنز تطوير الذات .. شكرا من كل قلبي
أنا عشقت فكرة البودكاست الصوتي عن اليوتيوب بسببك. شكراََ من كل قلبي على التحفيز والطاقة الإيجابية والكلام اللي مش مكرر ولا متاخد من كتب .. شكراََ على تجاربك .. شكراََ على وقتك وصوتك وتأملاتك .. شكرا على صراحتك وعفويتك .. شكراََ لأنك سايب كنز حقيقي في علم تطوير الذات هتزيده قيمته وغلاوته مع مروور الوقت .. أنا متخصصة في المجال وبقولك أرجوووك متوقفش الحلقات تحت أي سبب.
كل التوفيق ليك.
